فقير!!!

فقير وعندي المال الكثير ..

فقير وملبسي غالي حرير ..

وياصاحبي الحافي الفقير ..

ابنشدك ابسئلك وشهو الحصير ..

وابسئلك وشلون انا امر وانهي ..

واذا حكيت قبل انتهي من كلمتي ..

يقاللي سم ويصير ..

ولاشكيت من غفلتي طول زمنها ..

يقاللي لاتشتكي ماخلقت الشكوى لأمير ..

وابسئلك وشلون انا مع كل ذا .. !!!

اقول عن نفسي فقير؟؟؟ ..

ياصاحبي لاصار لضحكه ثمن ..

وصارو اصحابي كثيربس بثمن ..

والوفاء مابه وفاء الا بثمن ..

ابسئلك ماني فقير ؟؟؟ ..

ولاصارت اقوالي حكم ..

ولاقالها غيري غدت ..

حكي قديم ..

ابسئلك ماني فقير؟؟ ..

ولاصرت انا مانيب انا ..

ولاغلطت قالو صحيح وكل شي اعمله يصبح عظيم ..

ابسئلك ياصاحبي ماني فقير؟ ..

وياصاحبي ابنشدك لمن جفتني دنيتي ..

وابتدا الدرب الطويل الى ابد ماينتهي ..

وانتهي العز القديم وماكنت اظنه ينتهي ..

والموت بدد فرحتي ..

وحطوني في قبر صغير ..

وحزنو علي وبكو هلي وناس من ربعي قليل ..

وارتاح من وجهي كثير ..

وبقيت وحدي في حيرتي مابه احد ..

لاطال عمرك ولاتحت امرك ..

ماغير انا وخوف ولحد وحساب قدامي عسير ..

وقتها ذكرت اني من زمان ..

يوم انه امهلني الزمان ..

هذا ظلمت هذا جرحت ياما كذبت ..

وذنوبي ماتحصي كثير ..

وقتها الا ندمت ونفسي كرهت ..

عرفت ان الله كبير وان الهلاك اصبح اكيد ..

واني انا مالي رجاء..ولاهروب من الدجاء ..

من الجحيم الا بأمل عندي وحيد ..

ان الله غفار ورحيم ..

ابسئلك ياصاحبي عني في وقتها ..

ماني فقير؟؟ ..


القصيده أعلاه لصاحب الصوره الأمير عبدالرحمن بن مساعد وعنوانها"فقير"!!

البعض لقبه بالشاعر الفقير،والبعض لقبه بشاعر الفقراء!

السؤال الذي يطرح نفسه هو...

ماذا يعرف شخص يمتلىء وجهه بالنعمه عن الفقر؟!

وهل الفقر سيختار سفيراً له كمثله؟!

ثم هل يقارن المتأفف من تبعات نعمته بالصارخ من تبعات فقره؟!

لمعرفة الفقر الحقيقي في بلادي،الفقر الذي صنعه الوطن بأبنائه،الفقر الذي يتدثر بأسم البطاله ويخجل من الأعتراف بأسمه خوفاً من أنتقاص الناس له،ويقبل بأي وظيفه حتى لو براتب 1500 ريال لا تظهر على وجهه ولا تغنيه من جوع فليأخذ جولة في منتدى وصمة عار في جبين بلادي!

وبعد هذا...

لماذا يخجل المرء من فقره ولا يخجل مثل هؤلاء من غناهم؟!